Demonstrantane har vore mange i Bayern dei siste dagane. Dei meiner mykje, og er misnøgde med mangt, men ein av hovudparolane er at verda no må gjere noko med klimautfordringane som ein står overfor.

• LES OGSÅ:
  

  
  
  
  Demonstranter blokkerer vei til G7-møte i Tyskland
  
  
  

Mogleg klimaavtale mellom G7-land

Og dei sju mektige industrilanda som no er samla i den tyske delstaten må gå føre, meiner demonstrantane.

Statsleiarane frå Italia, Frankrike, Tyskland, Storbritannia, USA, Canada og Japan kom i går til Bayern for å vere med på det internasjonale toppmøtet som varer fram til i morgon.

Og sistnemnde land meiner at ein klimaavtale bør bli ein del av møta dei neste dagane. For ifølgje nyheitsbyrået Reuters så har ein talsmann for den japanske statsministeren Shinzo Abe antyda at landa kjem til å ta stilling til eit felles mål om kutt i klimautslepp.

Tidlegare har mange antatt at Japan og Canada ville vere skeptiske til ei klimapolitisk samarbeid mellom dei sju stormaktene.

• LES OGSÅ:
  

  
  
  
  Nye tall avviser pause i global oppvarming
  
  
  

Russland, handelsavtaler og islamisme

Tyskland og Frankrike, som skal vere vertskap for det store klimamøtet i Paris i desember, har tidlegare teke til orde for eigne G7-mål om reduksjon i utslepp. Dei meiner også at G7-landa må samarbeide om å finansiere tiltak som kan bidra til reduserte klimautslepp.

Også USAs president, Barack Obama, nemnde klimaendringar som eit viktig punkt då han i går kom til Garmisch-Partenkirchen.

• LES OGSÅ:
  

  
  
  
  Hellas og Kina plagar G7-ministrane
  
  
  

I tillegg ville «Russlands aggresjon i Ukraina», transatlantiske handelsavtaler, styrking av den europeiske union og religiøs ekstremisme bli tema under G7-møtet.

Russland har ikkje vore med i G7-gruppa på over eit år. Før gjekk gruppa under namnet G8, men etter at Russland annekterte Krim er det redusert til ei G7-gruppe.